要走了

要食早餐

去國立科學博物館睇「和食 ～日本の自然、人々の知恵～」(https://washoku2023.exhibit.jp/)，今日開幕，趕得切睇。

話咁快已經係行程既尾聲，呢個和食展都幾得意。簡單ｄ來講就係博物館將所有食得既野既標本都攞出來展覽，但又做到新奇有趣，唔錯唔錯。

原來博物館有免費 locker，真係好貼心，但我已經將行李放左喺上野站。

睇完展覽就過成田，去行 AEON mall。

第一站去食午餐先，唔好食，而且幾貴下。

中間食左個下午茶。

個商場好大，同都幾多野行下。行埋隔離既 Books Off，我喺度停留左 5 個鐘，行晒所有野，有諗過係咪早ｄ去機場，但又唔係好夾到巴士時間。最後行埋書局，買左成套《排球少年》漫畫。

雖然呢個商場有免費 locker，但如果再俾我揀，我會選擇喺成田站放低ｄ行李。首先，我唔知原來咁多當地人會入 AEON mall，當我拎住個大喼上由成田去商場既巴士時，已經 feel 到周圍望住我呢個西客既目光。最後我搭巴士由商場去機場，因為買左成袋漫畫，又有個大喼，要分２次上巴士，好彩個司機冇對我藐嘴藐舌。要拎住大喼上巴士真係好難同擾民……

史上第一次滿載而歸，我以為自己買左咁多野應該會超重，點知我放滿晒都只係 25KG，我買左 30KG 行李。因為 25KG 已經好重，所以漫畫最後都係分開放，手抽 1/3。我買左書先夠 30KG，到底ｄ人買咩買到爆喼？

去到機場食埋最後一餐，原來餐飲要加錢，我冇留意，早知唔要，仲要係我麻麻地凍綠茶……

再見日本，期待下次再來。