9 點未到已經起左身，為左避開返工既人潮，睇陣電視先，原來日本仲有播緊麵包超人。

過對面間小島珈琲食個輕早餐，叫左一杯平時冇見過個名既咖啡，好似係有 cream 之類既野，但我已經唔記得個味道，我諗都係同普通咖啡差唔多。

今次藝術館之旅既第一站係浮世繪太田紀念美術館，展出既係「美人画　麗しきキモノ」(http://www.ukiyoe-ota-muse.jp/kimono/)。我仲跟住前面個人，用同一句日文買飛，唔錯唔錯。

睇完展覽去紀念品店時順便睇下有咩其他展覽可以睇下，跟住就出發去國立新美術館。行過去大概 40 分鐘左右，途中經過表参道ヒルズ同根津美術館。

Google 到附近有間天婦羅好高分，諗住我咁早應該有位，點知人地今日休息，最後決定去到美術館附近先食。

有ｄ港島既感覺。

穿過青山霊園，事後睇返，原來志賀直哉個墓都喺度。

美術館附近依然冇乜餐廳，呢間家庭式，可能好難得今日神奇滿座，個老闆娘係咁同熟客道歉，雖然我聽唔明，但我估應該係因為上菜慢左同ｄ客無得坐耐ｄ吹水。

快快趣食完，跟住就喺美術館出面坐左陣，買左張東京藝術館 Pass。但我要睇既係 YSL 特別展「イヴ・サンローラン展　時を超えるスタイル」(https://www.nact.jp/exhibition_special/2023/ysl/)，只係平左少少。個展覽好多人，展出衫多，手稿好少，睇完就覺得唔係好值。

中場休息飲罐咖啡先，再睇埋同場免費既展覽。

覺得日本真係好正，好多公共空間，好好 feel。

是日最後一個展覽係去三得利美術館睇「激動の時代　幕末明治の絵師たち」(https://www.suntory.co.jp/sma/exhibition/2023_4/index.html)。個商場都收得幾埋下，可能因為係商廈為主，不過好在入個商場有張大海報做宣傳。個展覽好好睇！編排好之餘仲展出勁多畫，目不暇給！

今日係第一日同埋行程緊密，所以好攰，返酒店休息一下先。發現酒店係直接擺部機出來，但我從來都冇用過，唔知好唔好用既呢。

原本係想去返尋日見到既一間餐廳，行左好耐都搵唔到（原來根本去錯左方向），最後見到間都幾吸引既家庭餐廳。

呢個係最熱門既餐，岩岩炸好，好味！

食完就去散步，順便睇下有冇超級市場可以行下，原來附近有間神社。

酒店地下隔離有自助洗衣。

喺家庭超市買左柑同麥茶，拎左讀賣新聞，諗住學下日文，睇左 5 分鐘都冇就放棄左。

真人版既《派對咖孔明》，好搞笑。