話說尋晚瞓唔著，我覺得係因為瞓咗晏覺兼太夜飲咖啡，食完晚餐8點幾先飲，係夜咗少少。

凌晨2點瞓，搭9都未瞓著，於是起身食啲嘢，點知就 hea 到5點先瞓。然後今朝8點幾醒過1次，最後係9點幾起咗身。瞓咗5個鐘都唔夠，點知狀態又唔錯喎，於是決定岀街。

去食嘢先，估唔到摩斯咁少人，坐得好舒服。



食完就去吉之島採購，仲買咗法包做早餐。



當我拎住呢袋包喺商場度行時有惹來一啲注目，的確係比較少見有人拎住咁大袋包行街。呢度原本係一條長法包，只係$30，真係好抵。



夜晚係食牛扒同焗薯沙律，其實係沙律好食過牛扒 😌。